Ermənistan Baş naziri Nikol Paşinyanın təyyarəsi İrəvan hava limanında hazır vəziyyətə gətirilib.

Axar.az xəbər verir ki, bu məlumatı erməni Teleqram kanalları yayıb.

Məlumata görə, təyyarə istənilən anda havaya qalxmaq üçün tapşırıq gözləyir.

Qeyd edək ki, Ermənistan Baş Qərargahı Nikol Paşinyanın istefasını tələb edən bəyanat yayıb. Bunun ardınca Nikol Paşinyan Baş Qərargah rəisi və müavinlərini istefaya göndərib, tərəfdarlarını isə 16:00-a Respublika meydanına mitinqə çağırıb.

Müxalifət isə Azadlıq meydanına 15:00-a mitinq təyin edib.

Paşinyanın əleyhdarları ilə tərəfdarları arasında ilkin toqquşmalar baş verib.