13:51

Çiçəklənən Ermənistan Partiyası Paşinyana çağırış edib.

Axar.az xəbər verir ki, partiya Paşinyanı ölkədə vətəndaş müharibəsi yaratmamağa səsləyib.

Bununla bərabər, polis və Milli Təhlükəsizlik Xidmətinə Paşinyanın əmrlərinə tabe olmamaq çağırışı edilib.

İşıqlı Ermənistan Partiyasının sədri Edmon Marukyan da ordunu müdafiə edib.

O, Baş Qərargahın bəyanatını çevriliş cəhdi saymadığını, bəyanatında dövlət təhlükəsizliyi və konstitusiyaya zidd heç bir şeyin olmadığını bildirib.

***

Robert Köçəryan da erməniləri öz dövlətlərinin ağaları olmağa və ordunun yanında durmağa çağırıb.

"Müharibədə məğlub olan və torpağı təslim edən hökumət getməlidir. Bu, ilk növbədə milli dirçəlişimiz üçün lazım olan zəmanətdir", - deyə o bildirib.

Qeyd edək ki, Vətənin Xilası Hərəkatı bu gün 15:00-da Azadlıq meydanına, Nikol Paşinyan isə 16:00-da Respublika meydanına mitinq təyin edib.

Nikol Paşinyan artıq tərəfdarları ilə yürüşə başlayıb.