Çinin Dövlət Tibbi Məhsullar Administrasiyası Çin Hərbi Tibb Akademiyası və "CanSino Biologics" şirkəti tərəfindən birgə hazırlanan COVİD-19 əleyhinə vaksinin ölkədə kütləvi marketinqinə icazə verib.

Axar.az xəbər verir ki, Çində marketinqinə icazə verilən COVİD-19 vaksinləri arasında yalnız "CanSino" şirkətinin peyvəndinin bir dozası yeni növ koronavirusa qarşı immunitet yarada bilir. Belə ki, bu peyvəndin bir dozası bədəndə humoral və toxuma immun cavabı yaradır.

Vaksinin saxlanma və daşınması üçün 2-8 dərəcə selsi temperatur rejimi tələb olunur.

Qeyd edək ki, “CanSino Biologics" şirkəti ötən ilin mart ayında dünyada birinci olaraq koronavirusa qarşı vaksinin insanlar üzərində kliniki sınaqlarının ilk mərhələsinə başlayıb.