İran Prezidenti Həsən Ruhani İŞİD əleyhinə yaradılmış koalisiyanın xarici işlər nazirlərinin Parisdə görüş keçirdiyi gün bir qrup millət vəkilini Tehranda qəbul edərək sərt bəyanatlar verib.

Axar.az xəbər verir ki, İran prezidenti ərəb ölkələrini və qərbliləri Suriya mövzusunda səhvə yol verməkdə günahlandırıb.

Ruhani İranın sonuna qədər Suriya və xalqının yanında olacağını bildirib:

"Təəssüf ki, bəzi ölkələr yanlış hərəkət etdi. Terrorçu qrupları dəstəkləyərək məqsədlərinə çatacaqlarını düşündülər. Amma bu səhv əvvəl-axır onlara terrorizm olaraq geri qayıdacaq. 4 illik müqavimət və səbrin sonunda ölkəyə bir neçə ayda hakim olacağını düşünən Suriya düşmənlərinin planları puça çıxdı. İran dövləti və xalqı sonuna qədər Suriya dövləti və xalqının yanında olacaqdır".