Ermənistan Baş naziri Nikol Paşinyan tərəfdarlarını martın 1-də İrəvanda keçiriləcək mitinqə çağırıb.

Axar.az xəbər verir ki, paşinyan bu barədə Feysbuk səhifəsində yazıb.

“Əziz həmvətənlər, bazar ertəsi saat 18:30-da sizi İrəvandakı meydanda mitinqə dəvət edirəm”, - Paşinyan bildirib.

Qeyd edək ki, 1 mart Ermənistanda faciə günü kimi xatırlanır. Belə ki, 1 mart 2008-ci ildə prezident seçkilərinin nəticələrinə etiraz olaraq keçirilən aksiyada hakimiyyətin etirazçılara atəş açması nəticəsində ən azı 10 nəfər ölmüşdü. Həmin aksiyada həbs edilənlər arasında Nikol Paşinyan da vardı.