Ermənistan parlamentinin hakim “Mənim addımım” fraksiyasından olan deputatı Vaaqn Ovakimyan Prezident Armen Sərkisyanın impiçmentinin mümkünlüyündən danışıb.

Axar.az xəbər verir ki, deputat bu barədə Feysbuk səhifəsində yazıb.

Deputat bildirib ki, Sərkisyanın Baş nazir Nikol Paşinyanın Baş Qərargah rəisi Onik Qasparyanın vəzifəsindən azad edilməsi ilə bağlı qərarını imzalamaqdan imtina etməsi onun impiçmenti üçün əsas yarada bilər.

Ovakimyan əlavə edib ki, Konstitusiyanın 139-cu maddəsinə əsasən, prezident baş nazirin qərarını geri qaytara bilər:

“Prezident özbaşına fərman layihələrini geri qaytara bilməz. Konkret olaraq bu situasiyada baş nazir səlahiyyətləri çərçivəsində (Konstitusiyanın 155-ci maddəsi) Baş Qərargah rəisinin istefasını təklif edib. Hətta ən emosional təsəvvürə sahib insan belə burada antikonstitusion element görə bilməz. Biz əslində prezidentin səlahiyyətlərindən sui-istifadəni görürük”.