Ana səhifə Planet |
Əgər Ermənistan parlamentinin hakim fraksiyasının deputatları Konstitusiya Məhkəməsinin razılığını almasalar və üçdə iki səs toplamasalar, prezidentin impiçmenti prosedurunu reallaşdıra bilməyəcəklər.
Axar.az xəbər verir ki, bunu İşıqlı Ermənistan Partiyasının sədri Edmon Marukyan deyib.
“İmpiçment üçün Mənim Addımım Blokuna 88 səs (hazırda blokda 83 səs var) lazımdır. Bir sıra müstəqil deputatlar da var ki (Mənim Addımım Blokunu tərk edənlər), onların da mövqeyi bəlli deyil. İmpiçment prezident institutuna birbaşa təhdiddir. Bu proses hakim qüvvə üçün siyasi sui-qəsd olacaq”, – deyə o bildirib.
Qeyd edək ki, Prezident Armen Sərkisyan baş nazirin Baş Qərargah rəisinin işdən azad olunması barədə iki dəfə ardıcıl göndərdiyi təqdimatı rədd etdiyi üçün onun impiçmenti məsələsi gündəmə gəlib.
Tarix
2021.03.01 / 09:39
|
Müəllif
İlkin Həsənov
|