"Son illər Çin Cənub Şərqi Asiyada öz hərbi gücünü artırıb".

Axar.az xəbər verir ki, bu iddia ilə Rusiyanın "Vesti" qəzeti çıxış edib.

Qəzetin iddiasına görə, Rusiyanın Krım variantından fərqli olaraq, Çin bu ərazilərə əvvəlcədən iddia edir:

"Çinin iddia etdiyi ərazilər Vyetnam, Malayziya, Tayvan və Bruneydir. Spratli adalarına nəzarət etməklə Çin bütün Cənubi Çin dənizini öz əlinə almış olur. Bu ərazilərdən isə vacib ticarət yolları keçir. Bundan başqa Spratli adaları məsələsi onun şelf zonasında neft və qaz yataqları aşkar olunan kimi ortaya çıxdı. Çin bu adaya iddia edənlər arasında hərbi baxımdan ən qüdrətlisidir. Son illər Pekin özünün fürsətcil işğallarını artırıb. Krımdan fərqli olaraq isə ABŞ, NATO və Qərb ölkələri Çinə qarşı dayana bilməyəcəklər".

Qeyd edək ki, dünən ABŞ Çinin Spratli adaları üzərində nəzarətə yiyələnməsini kəskin tənqid etmişdi.