Rusiyanın Avropa İttifaqındakı (Aİ) daimi nümayəndəsi Vladimir Çijovun parlamentə buraxılmaması Moskvanın hiddətinə səbəb olub.

Axar.az xəbər verir ki, Rusiya Xarici İşlər nazirinin müavini Sergey Ryabkov məsələyə münasibət bildirərək bu qərarı "acizlik" adlandırıb:

"Məncə Avropa Parlamentinə getmək lazım deyil. Çünki orada görəcək heç bir iş yoxdur. Parlamentin əksəriyyətini nəzərə alsaq, edə biləcəkləri şərhlər və verə biləcəkləri qərarları asanlıqla öncədən təxmin edilə bilərik. Bundan başqa, Rusiyanı maraqlandıran mövzularda sağlam düşüncə ilə verilən qərarların sayı təəssüf ki, hər ötən ay daha da azalır".

"Məmnun etdiyimiz üçün xoşbəxtik"

Rusiyanın qara siyahıya salınan rəsmilərinin ABŞ və Kanadaya gedə bilməyəcəyini deyən rus diplomat qarşılıq verdikləri üçün özlərini xoşbəxt hiss etdiyini deyib:

"Açıqlanması lazım olan bütün insanlar ictimaiyyətlə paylaşıldı. Qara siyahıdakı kanadalı həmkarlarımız bu siyahya düşdüklərinə görə mükafatlandırıldıqlarını zənn edir. İndi bu "mükafat"ı yaşasınlar. Onları məmnun etdiyimiz üçün xoşbəxtik".

"Uydurmaları dinləyək?"

Federasiya Şurasının komitə sədri Andrey Klişas da AP-nin verdiyi qərarla Rusiyanın heç nə itirmədiyini deyib:

"Orada nə edəcəyik? Avropalı vəkillərin Rusiyaya qarşı uydurmalarını dinləyəcəyik?"

"Rus diplomatları yandırın!"

Qərara ən sərt reaksiyanı göstərən isə Rusiya Xarici İşlər Nazirliyinin İnformasiya Departamenti direktorunun müavini Mariya Zaxarova olub. Avropanın rusiyalı diplomata qadağa tətbiq etməsini inkvizisiya məhkəmələri ilə müqayisə edən Zaxarova bunları qeyd edib:

"Rus diplomatlar üçün cadugər ovu elan edildi. Sırada nə var? Rus diplomatları əvvəl dini məhkəmələrdə mühakimə edib sonra da Brüsseldə yandırmaqmı?.."