Polşa hökuməti Rusiya təcavüzkarlığından qorunmaq üçün öz ərazisində F-35 təyyarələri üçün aviapark yaradacaq.

Axar.az xəbər verir ki, bu barədə “Nəşnl İnterest” məlumat yayıb.

Bildirilib ki, yaxın zamanda Lodz bölgəsində yerləşən Lask aviabazasına F-35-lər gətiriləcək.

Belə ki, Rusiyanın genişmiqyaslı hücumu olacağı təqdirdə bu aviapark Şərqi Avropa və Ukraynada rus qüvvələrinə qarşı müdafiəni daha da gücləndirəcək. Başqa sözlə, F-35-lə yalnız Polşanı deyil, eyni zamanda bütünlüklə Avropa Birliyini, həmçinin Ukraynanı da qoruyacaq.

Xatırladaq ki, Polşa hökuməti hələ ötən ilin yanvarında F-35-lərin alınmasını təsdiqləmişdi.