İşıqlı Ermənistan Partiyasının sədri Edmon Marukyan Ermənistan Baş naziri Nikol Paşinyandan Baş Qərargah rəisi Onik Qasparyanın Serj Sərkisyandan əmr alması bəyanatını əsaslandırmasını tələb edib.

Axar.az xəbər verir ki, Marukyan tələbini sosial şəbəkə üzərindən səsləndirib.

“Nikol Paşinyan deyib ki, Onik Qasparyan Serj Sərkisyanın əmrlərini icra edib. Biz dərhal tələb edirik ki, Nikol Paşinyan sübutları təqdim etsin”, – deyə o bildirib.

Qeyd edək ki, bundan öncə Marukyan Qasparyanın istefaya göndərilməməsi qarşılığında növbədənkənar seçkinin keçirilməsi barədə memorandumu imzalamağa hazır olduğunu bildirib. O, həmçinin müxalif fraksiyasının baş nazir vəzifəsinə namizəd irəli sürməyəcəyini də deyib.