Ermənistan Prezidenti Armen Sərkisyan Baş Qərargah rəisi Onik Qasparyanın istefasını rəsmən imzalamasa da, onun qovulmasına şərait yaradıb.

Axar.az xəbər verir ki, bu iddia ilə Ermənistan mətbuatı çıxış edib.

Məlumata görə, Sərkisyan Konstitusiya Məhkəməsinə baş nazirin təqdimatının yoxlanılması üçün yox, məhz 2018-ci ildə hərbi xidmət haqqında qanuna edilən düzəlişi mübahisələndirmək üçün müraciət edib. Bu isə dolayısı yolla Sərkisyanın müraciətinin Qasparyanın istefaya göndərilməsinin qarşısını almaqda heç bir rol oynamayacağı anlamına gəlir.

Belə ki, Sərkisyanın bu addımı sayəsində Paşinyanın Qasparyanın qovulmasıyla bağlı imzaladığı əmr 3 gün sonra avtomatik qüvvəyə minmiş olacaq.