Parlament seçkiləri ərəfəsində seçiciləri qarşısında növbəti dəfə çıxış edən Türkiyə Prezidenti Rəcəb Tayyib Ərdoğan öz tənqidçilərini, jurnalistləri, erməniləri və qeyri-ənənəvi oriyentasiyalı şəxsləri PKK-nın siyasi qolu HDP-ni dəstəkləməkdə ittiham edib.

Oxu.az xəbər verir ki, Ərdoğan "Doğan Media"nın belələrinin əsas müttəfiqi olduğunu deyib: "Erməni lobbisi, homoseksuallar və Əlisiz Ələviliyə inananlar – bütün onlar təxribatda iştirak edirlər".

Qeyd etmək lazımdır ki, Türkiyə parlamentində hakimiyyət partiyasının tutacağı yerlərin sayı HDP-nin 10% baryeri aşıb-aşmamasından çox asılıdır.

O həmçinin beynəlxalq mətbuata qarşı ritorikasını təkrarlayıb.

"Onları bəzi xarici KİV dəstəkləyir, onlar Türkiyəyə öz koloniyaları kimi baxırlar", - Ərdoğan bəyan edib.