Ermənistan hökuməti Baş Qərargah rəisi Onik Qasparyanın yerinə bir neçə nəfərin namizədliyini nəzərdən keçirir.

Axar.az xəbər verir ki, bu məlumatı “Past” qəzeti yayıb.

Məlumata görə, hökumətin bu vəzifəyə ilkin namizədi Baş Qərargah rəisinin müavini Andranik Makaryan sayılır. Amma Makaryanın bu təyinatdan imtina etdiyi bildirilib.

Digər namizəd isə Cəlal Arutyunyandır. Bildirilib ki, hələlik Arutyunyanın səhhəti onun ordu işlərinə tam qoşulmasını mümkünsüz edir.

Əsas namizəd kimi isə hökumətin keçmiş və qondarma “dqr”in “müdafiə naziri” Mikayıl Arzumanyanın üzərində durduğu vurğulanır.