Qalmaqallı rus siyasətçisi, Rusiya Liberal Demokrat Partiyasının lideri Vladimir Jirinovski Saakaşvili və Savçenkonu güllələməyi təklif edib.

Axar.az xəbər verir ki, Jirinovski bunu "Prezident-2042" layihəsində mühazirəsində deyib.

"Donbası bombalayacaqsız, əvəzində Kiyevi bombardman edəcəyik. Təxribat törədəcəksiniz, biz də Saakaşvilidən başlamaqla bütün qubernatorlarınızı güllələyəcəyik", - Jirinovski bildirib.

Jirinovskinin sözlərinə görə, əgər ballistik raketlər London, Vaşinqton, Berlinə yönəlsə, Qərb, "Biz geri çəkilirik" deyəcək:

"Baxın, Savçenko oturub. Onu sabah güllələyib, Belqorodda asmaq lazımdır".