Salvadora ÜST-dən malyariyanın ləğv edilməsini təsdiqləyən sertifikat verilib. Bu, Salvadorda onilliklər boyu görülən gərgin işlərdən sonra qazanılan çox böyük nailiyyətdir.

Axar.az xəbər verir ki, Salvadorda malyariya xəstələrinin 1990-cı ildə 9 mindən çox olan sayı 2010-cu ildə 26-ya düşüb. Vətəndaş müharibəsindən, qasırğa və zəlzələlərdən sağ çıxmış Salvador maliyyə və insan resurslarını malyariyanın yayılmasının qarşısını almağa yönəldərək, müsbət nəticələrə nail ola bilib. 2017-ci ildən bəri Salvadorda heç bir malyariyaya yoluxma faktı qeydə alınmayıb, bu da ona Mərkəzi Amerikada belə bir sertifikat almış ilk ölkə olmağa imkan verib.

Malyariya ilə mübarizədə minlərlə könüllülərin iştirakı bu xəstəliyin diaqnozu və müalicəsi üzrə ölkənin uğurlu strategiyasının möhkəmləndirilməsində mühüm rol oynayıb.