Zelenskinin sələfi Pyotr Poroşenko Ukrayna üçün faydalı bir şey etməyib.

Axar.az xəbər verir ki, bu açıqlama ilə Ukrayna Prezidentinin mətbuat katibi Yuliya Mendel çıxış edib.

Y.Mendel Poroşenkonun yalnız ittihamlarla məşğul olduğunu söyləyib: "Dəhşətli, çox çirkli alətlərdən istifadə edir, təhlükəlidir".

O, Poroşenko ilə Putinin qızının "xaç atası" - deputat Viktor Medvedçukun eyni olduqlarını, ölkəni bölməyə çalışdıqlarını qeyd edib:

"Poroşenkonun dövründə bənzər tendensiyaların çoxunu gördüm. Eyni şəkildə davranırlar, ölkənin birliyinə heç bir şəkildə təsir etmirlər, işğal altında olan ərazilərimizin geri qaytarılmasına kömək etmirlər. Poroşenkonun yenidən Ukrayna prezidenti olmaq şansına inanmıram".