Kanadanın Baş naziri Stefan Cozef Harper həftə sonunda Almaniyada baş tutacaq G7 zirvəsi ilə bağlı fikirlərini bölüşüb.

Axar.az xəbər verir ki, baş nazir Rusiya Prezidenti Vladimir Putinin G7 liderləri sammitinə qatılmayacağını açıqlayıb:

"Nə qədər ki, Putin hakimiyyətdədir, Kanada Rusiyanın G7-yə qoşulmasına qəti etiraz edir. Putin G7 liderlər masasına otura bilməz. Rusiyanın G7-yə qatılması üçün çox güclü bir uzlaşma lazımdır. Putin bu masada bir daha oturamayacaq".

Ötən il Avstraliyada keçirilən zirvədə Rusiya liderinin əlini yalnız "Ukraynadan çıxın" demək üçün sıxdığını bildirən Harper deyib:

"Putin mənə "mən onsuz da orada deyiləm", dedi. Bu, tipik rus xarici siyasətidir. Onlarla dialoqa girməyin məncə, heç bir mənası yoxdur".