29 yaşlı alban əsilli kikboks üzrə dünya çempionu Valdet Qaşi İŞİD-ə qoşulub.

Axar.az xəbər verir ki, aylardır Feysbuk səhifəsində Taylandda olduğuna dair yanıltıcı məlumatlar paylaşan 2 dəfə Muay Tay üzrə dünya çempionunun 3 dostu ilə birlikdə İŞİD sıralarına qatıldığı ortaya çıxıb.

Valdet Qaşinin bu ilin yanvarından terror təşkilatının sıralarına qoşulduğu və Suriyada bir sıra döyüşlərə qatıldığı bildirilib.

Qaşi Suriya İnsan Haqları Təşkilatında işləyən jurnalistlərdən birinə telefonla verdiyi müsahibəsində İŞİD-in ideologiyasından danışıb:

"Yaxşı bir şey etmək və bu amal uğrunda ölmək istəyirəm. Bu məni xoşbəxt edir. Hekayəmin hamısını dinləmədən məni ittiham etməyin".