Stokholm Solna məhkəməsi internetdə gənc qızları cinsi təhdidə görə istintaqa cəlb edilən bir nəfərə 7 il həbs və 550 min avro pul cəzası kəsilib.

Axar.az xəbər verir ki, Solna Bölgə məhkəməsinin rəsmi internet səhifəsində verilən açıqlamaya görə, 29 yaşlı məhbusun 2 il davam edən məhkəmə nəticəsində günahkar olduğu sübut edilib.

Cəza kəsilən şəxs sosial media üzərində yaşları 11-lə 20 arasında dəyişən 64 gənc qıza nalayiq kəlmələr yazıb və təhdid edib. O, sosial media üzərindən gənc qızlara dostluq təklifi, əxlaqsız mesaj göndərib və fotolarını ələ keçirdiyi qızlara hədə-qorxu gəlib. Şübhəlinin qurbanları arasında başqa ölkələrdə yaşayan gənc qızlar da var.