Türkiyə Prezidenti Rəcəb Tayyib Ərdoğan yenə Qərb mətbuatını tənqid edib.

Axar.az xəbər verir ki, Ərdəhanda təşkil olunan mitinqdə danışan prezident bu dəfə daha sərt münasibət bildirib:

"Bir ingilis qəzeti bu seçkilərlə bağlı nə deyir, bilirsinizmi? Tam qərbləşməmiş, yoxsul müsəlmanların öz ölkəsini idarə etməsinə icazə verilə bilməz. Sən kimsən ki, tərbiyəsiz. Həddini bil. Nə zamandan bəri sizə belə bir səlahiyyət verildi. Bu millətin gerçək övladları bu ölkədə rəhbərliyə sahibdir. "Əgər Ərdoğan bazar günü istədiyini alarsa, qarşısıalınmaz olacaq" deyirlər. Ərdoğan deyərək sanmayın ki, məni nəzərdə tuturlar. Əslində qarşısıalınmaz dedikləri Türkiyədir".