"Kürdlər Ərdoğanın İŞİD-in kürd cəbhəsinə zərbələr endirməsi ilə bağlı tutduğu mövqedən narazıdırlar".

Bu sözləri Axar.az-a açıqlamasında rusiyalı politoloq Konstantin Kalaçev söyləyib.

Kalaçevin sözlərinə görə, kürdlər Ərdoğandan bir sıra şeylər tələb edəcəklər:

"Xalqların Demokratik Partiyasının rəhbəri Səlahəddin Dəmirdaş artıq hakim Ədalət və İnkişaf Partiyası ilə koalisiyanın mümkünsüz olduğunu deyib. Bununla bərabər Dəmirdaş Türkiyədə artıq diktatura idarə dövrünün sonunun çatdığını bildirib. Buradan çıxan cavab aydındır. Kürdlər Ərdoğanın İŞİD-in kürd cəbhəsinə zərbələr endirməsi ilə bağlı tutduğu mövqedən narazıdırlar. Onlar kürdlərə yardımla bağlı konkret qərar istəyəcəklər. Bundan başqa, həmin partiya Türkiyədə kürd dilinin rəsmi status qazanmasını tələb edəcək. Xalqların Demokratik Partiyası həmçinin idarəetmə formasının dəyişilməsinə qarşı çıxır, kürd məsələsinin həllini istəyir, Ermənistanla münasibətləri normallaşdırıb, "erməni soyqrımı"nın tanınmasını tələb edir. Dəmirdaş əvvəl də AKP ilə heç bir koalisiya qurmayacağını söyləmişdi. Ona görə də burada başqa bir yol seçmək lazım gələcək".