Ana səhifə Planet |
Latviya Silahlı Qüvvələrinin Komandanı Raimonds Qraube beynəlxalq hərbi təlimlərlə Rusiyaya təsir imkanının sıfra bərabər olduğunu açıqlayıb. Generalın sözlərinə görə, Rusiya təkcə təlimlərə 50 min canlı qüvvə cəlb edib.
Axar.az-ın məlumatına görə, ABŞ-ın Avropadakı qüvvələri tərəfindən Latviya, Litva, Estoniya və Polşada təşkil edilən, NATO-ya üzv 13 ölkənin 6 min əsgərinin qatıldığı təlimdən danışan Qraube Rusiya ilə rəqabətin mümkünsüz olduğunu etiraf edib:
"Baltik ölkələrində raketlər yerləşdirilməyəcək. O haqda söhbət gedə bilməz. Latviyanın vertolyot bazası belə yoxdur. Buna baxmayaraq, "İskəndər" raketləri sərhədlərimizin bir addımlığındadır. Hətta sərhədlərimizdən 26 kilometr məsafədə Rusiyaya məxsus bir adada təxminən 70 vertolyot var".
Xatırladaq ki, 1 iyunda başlayan və 2010-ci ildən bəri ilk dəfə təşkil edilən təlimlər 19 gün davam edəcək.
Tarix
2015.06.09 / 10:06
|
Müəllif
Şəmsəddin Ənsar
|