Fransa Daxili İşlər naziri İraq və Suriyada öldürülən fransızların sayını açıqlayıb.

Axar.az xəbər verir ki, nazir Bernar Kazneov mətbuat konfransında 1750 fransızın terrorçu qruplaşmaların tərkibinə qoşulduğunu açıqlayıb. Onlardan 113 isə terror fəaliyyəti zamanı öldürülüb. Bundan əlavə, 650 nəfərin terrorçularla əlaqəli olmasına dair 130 məhkəmə işi gedir.

Məhkəmə terrorçuluqda şübhəli bilinən şəxslərin 60 halda ölkədən çıxmasına qadağa tətbiq edib. 50 fakt isə araşdırılmaqdadır. Fransa hökuməti yanvar ayından bəyan edib ki, İraq və Suriyada terrorçu təşkilatların tərkibində olan fransızların sayı 555 nəfər olub.