ABŞ Dövlət Departamentinin rəsmi nümayəndəsi Con Kirbi bildirib ki, İraqda İŞİD üzərində qələbə qazanmaq üçün 3-5 ilə ehtiyac var. Musavat.com xəbər verir ki, məlumatı MSNBC telekanalı yayıb.

Dövlət Departamentinin rəsmisi bu bəyanatı Barak Obamanın ABŞ-ın hərbi rəhbərliyini iraqlı hərbçilərin təlimində yanlış strategiya seçməyə görə tənqid etməsindən sonraya təsadüf edib.

"Görünür, biz strategiyamızda müəyyən korrektələr aparmalıyıq", - Kirbi prezidentin tənqidi ilə bağlı sualı cavablandırarkın deyib.

Dövlət Departamentinin nümayəndəsi bildirib ki, müttəfiq qoşunlar İraqa daxil olsalar, problem "bir gecədə" həll olunmayacaq və üç ildən beş ilədək vaxt lazım gələcək.