16:29

Ermənistanda Rusiya ilə bağlı skandal hadisə baş verib.

Axar.az Musavat.com-a istinadla xəbər verir ki, Ermənistanın Baş Qərargah rəisi Artak Davtyanla Azərbaycanın Qarabağ bölgəsindəki Rusiya sülhməramlılarının komandanı Rustam Muradovun görüşü zamanı Rusiya bayrağının masa üzərinə tərsə qoyulması rezonansa səbəb olub. Görüşdən çəkilmiş foto bir müddət sonra Ermənistan Müdafiə Nazirliyinin saytından silinib və bayraqların fotoları düzgün şəkildə yenidən təqdim olunub.

Rusiya bayrağındakı rənglərin “alt-üst” qoyulmasını geniş müzakirə edən erməni mediası ehtimal edib ki, görünür, Rusiya sülhməramlıları tərsə qoyulmuş bayrağı düzəltməyə utanıblar. Ancaq yanlışlıq sosial şəbəkə istifadəçilərinin diqqətindən yayınmayıb və bunun qəsdən edildiyi şübhəsi yaranıb.

Məsələ ilə bağlı Baş Qərargah açıqlama verməyə vadar olub. Mətbuat xidmətinin rəhbəri Samvel Asatryan deyib ki, əminliklə demək olar ki, burada heç bir niyyət yoxdur. O, iddia edib ki, bu hadisə istəmədən baş verib.