Ukraynanın Baş naziri Arseni Yaçenyuk "Vaşinqton Post" üçün qələmə aldığı məqaləsində Putini tənqid edib.

Axar.az xəbər verir ki, Kreml rəhbərinin Ukraynanın demokratikləşməsindən qorxduğunu yazan baş nazir gələcəkdə Krım yarımadasını Rusiyadan alacaqlarını qeyd edib:

"Ukrayna hökuməti eyni vaxtda iki cəbhədə döyüşür. Birincisini siz televiziyadan izləyirsiniz, ölkənin şərqində yaşanan döyüş. İkincisi isə çox görülməsə də, ən azı birinci qədər əhəmiyyətlidir. Ukrayna Sovet keçmişi və ondan qalan pis rəhbərliklə döyüşür. Bu cəbhələrdə birlikdə savaşıb qazanmaq lazımdır".

Avropa dəyərlərinin rus imperializminin hücumu altında olduğunu iddia edən hökumət başçısı bunun Ukrayna ilə məhdudlaşmayacağını, nəticəsinin Moskvaya çox baha başa gələcəyini vurğulayıb:

"Azad Ukrayna Rusiya üçün pis nümunə olacaq. ABŞ və AB-nin Rusiyaya qarşı sanksiyalarının davam etməsinə ehtiyac duyuruq".