Donbasla bağlı üçtərəfli təmas qrupundakı Ukrayna nümayəndə heyətinin rəhbəri Leonid Kravçukun qondarma "donetsk respublikasının" nümayəndəsi Maya Piroqovanın danışıqlar prosesinə qatılmaması ilə bağlı ultimatumu onun şəxsi mövqeyidir.

Axar.az xəbər verir ki, bunu rusiyalı senator Sergey Çekov deyib.

“Bu, Kravçukun şəxsi fikridir, onu yaxşı tanıyıram. Görünür, o Kravçuka nəsə deyib, bu da onun xoşuna gəlməyib”, - Çekov bildirib.

Senatorun sözlərinə görə, Kravçuk bu məsələni şəxsi müstəviyə çıxarmamalıdır:

“Hər bir tərəf öz nümayəndə heyətininin tərkibini özü təyin edir”.

Qeyd edək ki, bir müddət öncə Leonid Kravçuk ATƏT nümayəndəsi Haydi Qrauya müraciət edərək danışıqlarda qondarma “donetsk respublikası”nı Maya Piroqovanın təmsil etməməsini istəmişdi. Kravçuk hətta bildirmişdi ki, Piroqova nümayəndə heyətinin tərkibində olsa, Ukrayna danışıqları tərk edəcək.