Ermənistan Rusiya ilə geniş və uzunmüddətli hərbi texniki əməkdaşlığa istiqamətlənib.

Axar.az xəbər verir ki, bunu Ermənistan Baş naziri Nikol Paşinyan “İnterfaks”a müsahibəsində deyib. O, bunun iki ölkənin strateji maraqlarından irəli gəldiyini bildirib.

Paşinyan İrəvanın Rusiyadan müasir silah tədarükündə həddən artıq maraqlı olduğunu söyləyib. Bununla belə Ermənistan lideri Ermənistana Rusiya ordusu üçün nəzərdə tutulan silahların alınmasında maraqlı olduqlarını bildirib.

O, həmçinin Ermənistanın Rusiyadan Su-30CM təyyarələrinin alışını davam etdirəcəklərini qeyd edib. Ermənistan baş naziri İrəvanın tələbatı və silah alınması üçün yeni Rusiya krediti məsələsiylə bağlı qərarın ordudakı reformların nəticəsindən asılı olaraq qəbul olunacağını bildirib.