Ukrayna Prezidenti Vladimir Zelenski Rusiyanın STS telekanalında yayımlanan “Kvartal 95” studiyasının istehsalı olan “Papik” serialına görə ödəniş almır.

Axar.az xəbər verir ki, bu barədə Zelenskinin mətbuat xidmətindən məlumat verilib.

“Papik” və “Papik 2” ticarət markaları Vladimir Zelenskiyə aid deyil, buna görə də bu serialların satışından qonorar almır”, - məlumatda bildirilib.

Mətbuat xidməti qeyd edib ki, Zelenski ticarət markalarının yalnız Ukrayna ərazisində istifadəsindən pul alır:

“Xüsusilə, “Axşam kvartalı”, “Komiki güldür” və “Qadın kvartalı” şoularının istifadəsinə görə 2019-2020-ci illərdə ən böyük qonorar alıb. Bu məhsullar Ukrayna ərazisində yaradılıb”.