“Saviz” gəmisində baş verən partlayışın mənbəyi ilə bağlı araşdırmalar davam edir.

Axar.az xəbər verir ki, bunu İran Xarici İşlər Nazirliyinin sözçüsü Səid Xətibzadə deyib.

O, partlayışdan sonra gəmiyə qismən ziyan dəydiyini, ölən və xəsarət alanın olmadığını bildirib.

Sözçü "Saviz" gəmisinin dəniz piradları ilə mübarizə üçün Qırmızı dənizdə gəmilərin nəqliyyat qovşağında yerləşdirildiyini, Beynəlxalq Dənizçilik Təşkilatı ilə koordinasiya qurulduğunu vurğulayıb.

Qeyd edək ki, dünən İran İslam İnqilabı Keşikçiləri Korpusuna (SEPAH) məxsus hərbi gəmi Qırmızı dənizin Eriteriya sahillərində hücuma məruz qalıb.