Malayziya Hava Yollarına aid sərnişin təyyarəsi motor yanğını həyəcanı səbəbindən havaya qalxandan bir neçə dəqiqə sonra Avstraliyanın Melburn Hava limanına təcili eniş edib.

Axar.az xəbər verir ki, bu barədə BBC məlumat yayıb. Avstraliya Hava Xidməti Təşkilatının rəsmisi enişin etibarlı olduğunu bildirib: "Kabinetdə motor yanğını həyəcanı vardı. Təyyarə yanacağını boşaltmaq üçün bir neçə dəfə dövrə vurduqdan sonra geri dönüb etibarlı bir şəkildə yerə enib".

Melburnda Malayziyanın paytaxtı Kuala Lampura gedən Airbus A330 tipli təyyarədə 300 sərnişin vardı.

Qeyd edək ki, Malayziya Hava Yolları keçən il iki faciə yaşayıb. Şirkətin təyyarələrindən biri martda Hind okeanı üzərində itib. Bir neçə ay sonra şirkətin başqa bir təyyarəsinə Ukrayna üzərində raket dəyib.

Bu hadisənin uzun zamandır maliyyə problemi yaşayan və texniki olaraq iflas etdiyi açıqlanan hava yollarına etibarı daha da azalda biləcəyi ifadə edilir.