Ankarada "Rusiya günü" münasibətilə keçirilən mərasimə Türkiyə hökumətindən heç kim qatılmayıb.

Axar.az xəbər verir ki, bu barədə Türkiyənin "Milliyət" qəzeti yazıb. Qəzet Rusiya Prezidenti Vladimir Putinin İrəvandakı "soyqırım" mərasiminə qatılmasından sonra iki ölkə arasındakı soyuq münasibətlərin davam etdiyini qeyd edib:

"Ankara bu addımı ilə Prezident Rəcəb Tayyib Ərdoğanla Rusiya Prezidenti Vladimir Putin arasında Bakıda keçiriləcək görüşdən öncə 1915-ci il hadisələrində necə həssas olduğunu əks etdirən simvolik mesaj vermiş oldu".

Qeyd edək ki, Putinin İrəvanda 1915-ci il hadisələrinin 100-cü ildönümünə həsr edilmiş anım mərasimlərinə qatılmasından sonra Ərdoğan Moskvada keçirilən Qələbə paradına getməkdən imtina etmişdi.