Pakistan hökuməti Təhriki-Ləbbeyk Pakistan ultrasağçı islamçı hərəkatın fəaliyyətini qadağan edib.

Axar.az xəbər verir ki, bu məlumatı Pakistan daxili işlər naziri Şeyx Rəşid yayıb. Hərəkatın terrorizmlə mübarizə haqqında qanuna uyğun olaraq qadağan edildiyi bildirilib.

Şeyx Rəşid təşkilatın qadağası təklifi ilə Pəncab vilayət hökumətinin çıxış etdiyini söyləyib.

Qeyd edək ki, bir müddət öncə hərəkatın lideri həbs edilmişdi. O, Pakistan hökumətinə Fransa səfirini “Şarl Hebdo” jurnalında dərc olunan Məhəmməd peyğəmbər karikaturasına görə ölkədən çıxarması tələbini irəli sürməsindən sonra saxlanılmışdı. Bundan sonra təşkilatın tərəfdarları ilə hüquq-mühafizə orqanları arasında toqquşmalar yaşanmış, nəticədə 7 nəfər ölmüşdü.

Hərəkat Pakistan parlamentində güclü olmasa da, ictimaiyyət arasında çox böyük nüfuza sahibdir.