Vaşinqton Rusiyaya ona görə sanksiyalar tətbiq etdi ki, Vladimir Putin və Co Baydenin görüşü öncəsi Moskva ilə güc dili ilə danışa bilsin.

Axar.az xəbər verir ki, bu barədə rusiyalı ekspert Lev Sokolşik deyib.

“ABŞ bütün istiqamətlərdə Rusiyanı məhdudlaşdırma siyasətini davam etdirir: iqtisadi, hərbi-strateji, siyasi... Eyni zamanda Arktika kimi maraqlı olduğu bölgələrdə də bu təzyiq (sanksiya – red.) vasitəsilə mövqe qazanmağa çalışır”, - deyə ekspert bildirib.

Onun sözlərinə görə, Rusiya-Amerika əlaqələri prinsip etibarı ilə dəyişməyəcək.

Qeyd edək ki, ötən gün ABŞ Rusiyaya qarşı yeni sanksiyalar tətbiq edib.