Çavuşoğluna təşəkkür etmək istəyirəm, çünki Dendiasa cavabı çox yerindəydi. Yunan nazir həddini aşdı, cavabını aldı. Dendiasa cavabını izləyərkən, "Bravo, Cavuşoğlu" dedim.

Axar.az xəbər verir ki, bunu Şimali Kipr Prezidenti Ərsin Tatar Türkiyə XİN başçısı Mövlud Çavuşoğlu ilə görüşündə deyib.

"Mavi vətəndəki hüquqlarımız iddialarının çox üzərindədir. Bu mübarizədir. Verilən cavab çox yerindəydi", - Tatar vurğulayıb.

Qeyd edək ki, Ankarada keçirilən ikitərəfli görüşdən sonra mətbuat konfransında yunan nazirin “Türkiyə bizim suveren haqlarımızı pozarsa, sanksiyalar gündəmə gələcəkdir” cümləsini işlətməsi Çavuşoğlunun haqlı narazılığına səbəb olub.