12:51

Rusiya Federal Təhlükəsizlik Xidməti Peterburqda Ukrayna konsulu Aleksandr Sosonyuku saxlayıb.

Axar.az xəbər verir ki, bu məlumatı FTX-nın mətbuat xidməti yayıb. Sosonyuk hüquq-mühafizə orqanlarının məlumat bazasından qapalı informasiya əldə etməkdə ittiham edilib.

Saxlanma Sosonyukun Rusiya vətəndaşı ilə görüşü zamanı gerçəkləşib.

FTX Sosonyuka qarşı beynəlxalq hüququn normalarına uyğun tədbir görüləcəyini bildirib.

***

Rusiya Federal Təhlükəsizlik Xidməti tərəfindən Peterburqda saxlanılan Ukrayna konsulu Aleksandr Sosonyuk aprelin 22-nə qədər ölkəni tərk etməlidir.

Bu barədə Rusiya Xarici İşlər Nazirliyindən bildirilib.

XİN Rusiyanın təhlükəsizlik maraqlarına zərər verən bu cür fəaliyyətin qəbuledilməz olduğunu bəyan edib.