Aleksey Navalnının həbsxanada başına gələcəyi hadisələrə görə rəsmi Moskva məsuliyyət daşıyır.

Axar.az xəbər verir ki, bunu ABŞ Prezidentinin milli təhlükəsizlik üzrə köməkçisi Ceyk Sallivan bəyan edib.

“Navalnı təcridxanada ölərsə, Rusiya beynəlxalq ictimaiyyət qarşısında məsuliyyət daşıyacaq. Müxtəlif tədbirləri nəzərdən keçiririk, hazırki mərhələdə bunlar barədə açıq danışmayacağam”, - deyə Sallivan bildirib.

Qeyd edək ki, rusiyalı müxalif bloger Navalnı 31 martdan bəri aclıq aksiyası keçirir. Onun həyati təhlükəsi var.