Livan baş nazirinin səlahiyyətlərinin icraçısı Həsən Diyab Fars körfəzinin ərəb dövlətlərinə təcili maliyyə yardımı üçün müraciət edib.

Axar.az xəbər verir ki, bu məlumatı “Əl Naşra” portalı yayıb. Məlumata görə, Qətərdə səfərdə olan Diyab ölkəsinin çökmə ərəfəsində olduğunu bildirib.

“Livan çıxışın görünmədiyi qaranlıq tuneldə daha dərinə gedir. Ona görə də biz Qətərin qapılarını döyürük və digər ərəb qardaşlarımıza onların bizi qəbul edəcəyi ümidiylə çatmağa çalışacağıq. Batan Livanın xilasedici dairəyə ehtiyacı var. Beynəlxalq ictimaiyyətdən yeni kabinetin formalaşdırılmasında gecikmələr olduğu üçün yardım ala bilmirik”, – deyə o söyləyib.

Diyab ölkəsinin iqtisadi çöküşünə səbəb kimi hakimiyyətin yüksək eşelonlarında onillər ərzində hökm sürən korrupsiyanı və yanlış borclanma siyasətini göstərib.