Çeçenistan rəhbəri Ramzan Kadırov 13 yaşlı oğlu Adəm Kadırovun boks qələbəsi ilə bağlı səslənən iddiaları qara piar adlandırıb.

Axar.az-ın məlumatına görə, Kadırov döyüşün danışılmış olması barədə deyilənləri təkzib edib.

“Əgər hakim görürsə ki, zərbə gözə dəyir, o zaman matçı dayandırmalıdır. Fərqi yoxdur, mənim oğlumdur, ya yox”, - deyə Kadırov bildirib.

Qeyd edək ki, kiçik Kadırov Əfsanələrin Zamanı: Xüsusi Əməliyyat” adı verilən turnir çərçivəsində rəqibi Aslan Bittirova texniki nokautla qalib gəldiyi elan edilmişdi.

Lakin sosial şəbəkə istifadəçiləri hakimin qərəz nümayiş etdirərək Aslan Bittirovun əli və dizi ilə döşəməyə dəymədən nokdaun hesabını saymağa başladığını bildiriblər.