Rusiya Prezidenti Vladimir Putinin Donbasdakı situasiya ilə bağlı səssizliyi Kiyev üçün narahatverici məqamdır.

Axar.az xəbər verir ki, bunu ukraynalı politoloq Aleksandr Koçetkov deyib.

“Putinin Ukrayna ilə bağlı səssizliyi Moskvanın sülhməramlı niyyətləri ilə yox, məxfi şəkildə aqressiya hazırlığıyla bağlıdır. Ümumilikdə Putinin 1,5 saatlıq çıxışında Ukrayna ilə bağlı heç nə deməməsinin iki səbəbi var. Birincisi, Putin diplomatik nəzakəti qoruyub, Cozef Baydenlə yaxınlaşmağa cəhd edirdi. Bununla hərbi ritorikadan imtina edirdi. İkinci səbəb Rusiyanın real olaraq Ukraynaya hərbi müdaxiləyə hazırlıqla bağlıdır. Susqunluq Kiyevi rahatlatmaqla əlaqəlidir”, – deyə o bildirib.