"Gürcüstanda baş verən proses buranın iqlimi üçün normal deyil".

Bunu Axar.az-a açıqlamasında Milli Ekoloji Proqnozlaşdırma Mərkəzinin rəhbəri Telman Zeynalov söyləyib.

Onun sözlərinə görə, Gürcüstanda baş verən leysan yağışları Azərbaycana təsir etməyəcək:

"Orada daşan Kür deyil, Vera çayı idi. Lakin əgər Kür daşsaydı, o zaman onun Azərbaycanın bir hissəsinə təsir edəcəyi ehtimalından danışmaq olardı. Gürcüstandakı hadisə təbii deyil, süni prosesdir. Bunu kimsə iqlim silahlarından istifadə etməklə qəsdən törədib. Bu, böyük ehtimal ki, Tiflisin xarici siyasətindəki son hadisələrə görə onun cəzalandırılmasıdır".

Qeyd edək ki, bir neçə gün öncə Tiflisdə baş verən daşqınlar şəhərdə fəlakətli vəziyyət yaradıb. Şəhərdə baş verən dağıntılarda 16 nəfər həyatını itirib.