"Vikipediya" saytı ilə bağlantılar yaxın iki həftə ərzində şifrlənmiş olacaq.

Axar.az xarici mətbuata istinadən xəbər verir ki, hazırda "Wikipedia.com" portalı və istifadəçilər arasında məlumatların çox hissəsi şifrlənməmiş bağlantılarla ötürülür ki, bu da onların hakerlər tərəfindən ələ keçirilməsini asanlaşdırır. Bununla bağlı Vikimediya təşkilatı bəyan edib ki, gələcəkdə sayt HTTPS bağlantısından istifadəyə başlayacaq və bununla da ötürülən məlumatlar şifrlənəcək.

Son illər qlobal şəbəkə istifadəçi məlumatlarının daha etibarlı mühafizəsini təmin etmək məqsədilə sürətlə HTTPS bağlantısına keçir. Tvitter, Quql və Feysbuk kimi iri portallarda artıq bu bağlantıdan istifadə olunur, brauzerlərdə bütün saytlarla şifrlənmiş bağlantını təmin edən genişlənmə funksiyaları yer alıb.