Çin hökuməti özünün nəhəng texnologiya şirkətləri üçün yeni nəzarət tədbirləri hazırlayır.

Axar.az xəbər verir ki, bu məlumatı “Vol Strit Jurnal” qəzeti yayıb.

Məlumata görə, bu şirkətlərə məcbur ediləcək ki, öz tətbiqlərində ödəniş sistemlərini söndürsünlər.

Məhdudiyyətlərin ümumilikdə 13 şirkətə, o cümlədən “Viçat”, “Tensent” kimi kompaniyalara aid ediləcəyi vurğulanıb. Belə qərarın qəbulunə səbəb bu şirkətlərin bank lisenziyası olmadan öz ödəniş sistemləri vasitəsilə kredit vermələridir. Çin rəsmiləri bunu ölkənin milli təhlükəsizliyinə təhdid kimi dəyərləndiriblər.