Sanksiyaların və təzyiqlərin ləğvi ilə bağlı həssas və tarixi günlər yaşayırıq. Məhz bu günlərdə Zərifin yayımlanmamalı olan səs yazısının ictimailəşdiyini gördük.

Axar.az xəbər verir ki, bu sözləri İranın Birinci vitse-prezidenti İshaq Cahangiri deyib.

“Prezident Həsən Ruhani Kəşfiyyat Nazirliyinə məsələni araşdırmaq üçün sərt təlimat verdi. Onlar səs yazısının Səudiyyə mediasına necə sızdığını diqqətlə araşdıracaqlar.

Bu səsyazma məsələsinin arxasında İsrail-Səudiyyənin olduğuna inanıram”, - deyə Cahangiri bildirib.

Qeyd edək ki, Zərifin iranlı iqtisadçı ilə müsahibəsinin səs yazısı yayılıb. Səs yazısında Zərif Qüds briqadasının qətlə yetirilən rəhbəri Qasım Süleymaninin ona mane olduğunu, Rusiyanın nüvə razılaşmasını pozmağa çalışdığını, Kerrinin ona İsrail hücumları barədə məlumat verdiyini bildirir.