ABŞ-ın Cənubi Karolina əyalətində yerləşən tarixi qaradərili kilsəsinə hücum olub.

Axar.az BBC-yə istinadən xəbər verir ki, tarixi Afrika-Amerika kilsəsinə olan hücum zamanı 9 nəfər dünyasını dəyişib.

Əyalətin polis rəisi Qreqori Mullenin verdiyi açıqlamaya görə, qurbanlardan səkkizi kilsənin içindəykən qətlə yetirilib, doqquzuncu şəxs isə sonradan yaralanıb və onun həyatını xilas etmək mümkün olmayıb.

Polis 20 yaşlı ağdərili gəncdən şübhələnir. Polis rəisi Mullen "Bunun bir nifrət cinayəti olduğuna inanıram", - deyib.

Hadisə yerinə gedən aktivist Riverend Şarpton ölənlərin arasında ABŞ Senatının üzvü Klementa Pinkninin olduğunu öz rəsmi Tvitter hesabında elan etsə də, bu xəbər hələlik öz təsdiqini tapmayıb.

Qeyd edək ki, silahlı hücum kilsədə yığıncaq keçirilən zaman baş verib.