İŞİD indi də Azad Suriya Ordusuna (ASO) bağlı olan qüvvələrin əlindəki Azez şəhərinə hücum edib.

Axar.az xəbər verir ki, bu barədə "Sabah" qəzeti məlumat yayıb.

Qəzetin iddiasına görə, bu hücum İŞİD-in "Milyonluq plan" adlanan yeni planının birinci hissəsidir. Tel-Əbyadın ardından Azez şəhəri də ələ keçirilərək PYD-yə təslim ediləcək.

Yeni planın ikinci, əsas hissəsi isə Türkiyəyə milyonlarla qaçqın axınını başlatmaqdan ibarətdir.

Qeyd edək ki, İŞİD-in yeni oyununun sərhəddə hakimiyyət qurmaq istəyən PYD üçün qaçılmaz fürsət olacağı bildirilir.