ABŞ-ın 20 ildən sonra geri çəkilmə qərarı ilə birlikdə Əfqanıstanda hökumət qüvvələri ilə Taliban arasında qarşıdurmalar artıb.

Axar.az xəbər verir ki, Əfqanıstan Müdafiə Nazirliyinin açıqlamasına görə, son 24 saat ərzində baş verən qarşıdurmalarda 100-dən çox insan ölüb.

Ölkənin Hilmənd bölgəsindəki ABŞ əsgərlərinin nəzarəti altında olan Antonik düşərgəsində təslimetmə mərasimi keçirilib. Əfqanıstan Müdafiə Nazirliyinin paylaşdığı fotolarda ABŞ bayrağının endirildiyi, Əfqanıstan bayrağının qaldırıldığı görünür.

Düşərgədə NATO və ABŞ ordusu tərəfindən terrorla mübarizə çərçivəsində təlim keçmiş Əfqanıstan Xüsusi Təyinatlı qüvvələrinin yerləşəcəyi bildirilib.