Havay adalarının paytaxtı Honoluluda evsizlər üçün yeni bir layihə hazırlanıb.

Axar.az xarici mətbuata istinadən xəbər verir ki, Havay adalarında olan köhnə, istifadəyə yararsız avtobuslar "Qrup 70 İnternəşnl" adlı memarlıq şirkətinin dəstəyi ilə sığınacaqlara çevrilir.

Avtobusların dəyişimi üçün lazım olan bütün ləvazimatlar könüllülər tərəfindən təmin olunur. Hələ ki, 70 avtobusun ev halına salınması nəzərdə tutulub.

Avtobus hamam, yataq və qonaq otağı kimi hissələrə bölünəcək. Mətbuata verilən açıqlamaya görə, layihə yay boyu davam edəcək və hər həftə bir avtobus təmir olunacaq.