İsrail sabiq dövlət başçısı Süleyman Dəmirəlin ölümü ilə bağlı Türkiyə prezidentinə məktub göndərib.

Axar.az xəbər verir ki, İsrail Prezidenti Reuven Rivlin Ərdoğana göndərdiyi məktubda İsrail xalqının adından türk xalqına və mərhumun ailəsinə başsağlığı verib: "Süleyman Dəmirəl Türkiyəyə səfəri zamanı İsrail dövlət başçısını ilk dəfə qarşılayan və iki millət arasındakı əlaqələrin inkişafında xidmətləri olan böyük bir dövlət adamı və prezidenti kimi xatirimizdə yaşayacaq".

Qeyd edək ki, Türkiyənin 9-cu prezidenti Süleyman Dəmirəl iyunun 17-də, yerli vaxtla 02 radələrində 91 yaşında vəfat edib.